Os Revirados-Grupo de Gaitas

Lembranza

2011-06-10T22:31:00.000+02:00

O próximo sábado día 18 de xuño Os Revirados faremos a II Lembranza. Recordamos que a do ano pasado foi en homenaxe a os gaiteiros "Os da Torre de Hercules". Este ano a homenaxe vai dirixida a Juan Brea, gaiteiro e palleteiro da Coruña.

As 11h comezará a homenaxe na Casa do Concello de Oza dos Ríos e a continuación comezará o roteiro polos bares. Tras o xantar continuaremos de foliada por Oza endiante. Ven e acompáñanos!!

Foliada!

2011-05-01T19:07:00.004+02:00

O sábado 28 de maio Os Revirados aproveitamos para organizar unha foliada no Local Social da S.C.R.D de San Martín de Bandoxa como o ano pasado, xa que este día organizan a clausura dos cursos impartidos no local e a comisión de festas de Bandoxa organiza unha churrascada:

FIN DE CURSO DE PINTURA, CESTERÍA E BAILE

CHURRASCADA E FOLIADA (SÁBADO 28 DE MAIO)

- Con motivo da finalización dos cursos 2010-2011 impartidos no local social realizarase a exposición de cestería e pintura durante a tarde a partir das 15h30.

- Ás 20h realizarase, ademais, unha pequena exhibición do aprendido nas clases de baile.

- A partir das 21h30 comezará a churrascada que organiza a Comisión de Festas de Bandoxa 2011:

· Churrasco, pan, viño, chourizos, postre, café e chupito.

· Prezo 15€ (a pagar ao apuntarse).

· Apuntarse no local social ata o domingo día 22 de maio.

- Despois da churrascada o grupo de gaitas Os Revirados de Oza dos Ríos organiza unha foliada para todos.

Para apuntarse á churrascada tamén podedes falar con nos.

Como chegar?

Ver mapa más grande

Dende Oza, síguese a AC-840 ata Burricios, en Burricios cóllese cara a esquerda pola AC-3203 ata chegar á curva de 180º que se ve, nesa curva está o desvío para a esquerda que vai ata o local social.

Os Revirados na Solaina

2011-01-29T16:33:00.001+01:00

Este martes día 1 de febreiro, ente as 5 e as 7 da tarde, o programa a Solaina da Galega visitará Oza dos Ríos e farán alguna conexión en directo para mostrar as actividades, entre outras cousas, que se fan no Concello.
Estarán os alumnos e alumnas dos cursos de cestería e pintura da Asociación de Veciños de Bandoxa e, entre outros, tamén estaremos nós.
Queremos público! Estades convidados tanto a vir a animarnos a Oza como a vernos na televisión!

Cabalgata de Reis

2011-01-02T10:23:00.000+01:00

O vindeiro xoves 5 de xaneiro Os Revirados poñeremos ritmo á cabalgata das SSMM os Reis Magos de Oriente que organiza o Concello de Oza dos Ríos e que percorrerá as rúas dende o a casa do concello ata o polodeportivo.
No polideportivo haberá festa e agasallos para os máis pequenos e merenda para todos. Estades convidados!

Problemas co apartado "Novas"

2010-09-03T17:28:00.002+02:00

Desde fai cerca de un mes temos problemas co sistema de publicación do apartado "Novas". Desde Blogger non nos dan solución e creamos de novo o apartado.
A partir de agora utlizaremos o sistema de publicación por entradas.
Desculpen as molestias.

II CURSO DE COMPOSTAXE CASEIRA, FESTA, CONCERTOS, PREMIOS, MAXIA...

2010-07-15T14:00:00.003+02:00

Mañán venres día 16 Os Revirados participaremos na festa que organiza o concello de Oza dos Ríos.

Terá lugar na praza do concello a partir das 16h cun curso de compostaxe caseira, haberá festa, premios, concertos, maxia, etc.

Sobre as 21h, empezan os concertos e nos tamén tocaremos algo.

Audiovisual da Lembranza

2010-06-14T15:45:00.002+02:00

Aquí está o audiovisual da homenaxe aos gaiteiros da Torre de Hércules:

Lembranza

2010-06-07T15:51:00.003+02:00

O vindeiro día 12 de xuño, o grupo de gaitas Os Revirados organizamos unha homenaxe aos gaiteiros "Os da Torre de Hercules" algúns dos cales formaban parte dos Matos.

Primeiro, ás 11:30 no salón de plenos do Concello veremos un audiovisual e homenaxearemos a estes grandes gaiteiros.

Sobre as 12:30 comezaremos o roteiro polo Bar A Farmacia, continuaremos polo Lito, máis tarde iremos pola Pacheca e xa para rematar, sobre as 14:30 iremos ao Moderno.

Camisetas

2010-04-14T16:33:00.003+02:00

Desde o grupo queremos informarvos de que xa temos camisetas e que agredecemos que colaboredes con nos comprándoas.
As camisetas levan por diante o logo de Os Revirados e por tras os patrocinadores, que son o Concello de Oza dos Ríos e a Asesoría Oza.
Temos camisetas de tres cores diferentes: brancas, amarelas ou vermellas e de gran variedade de talles.
O prezo das camisetas é de 10€.

Foliada-Churrascada en Bandoxa

2010-03-27T20:30:00.004+01:00

Como xa anunciamos con anterioridade o día 10 de abril haberá unha foliada no concello de Oza dos Ríos. Esta foliada organizámola o grupo de gaitas "Os Revirados" e será no local que nos presta a Asociación de Veciños de Bandoxa, nunha parroquia a uns 6 Km do centro do pobo. Señalizaremos a folida con carteis na estrada para que poidades chegar facilmente.

Ademáis, antes da foliada, para os que queirades haberá unha cea (Churrasco, chourizos, viño e outras bebidas, postre, café,...). Os que queirades cear teredes que apuntarvos no Local Social ou chamando ao teléfono 981792035 de luns a venres en horario de 15:00 a 18:00 ou a fin de semana en horario de 15:30 a 20:00 antes do día 5 de abril. A cea pagarase a escote e comezará a partir das 21 h.
A foliada será a continuación da cea e estades todos invitados a vir a pasalo ben.
Traede os vosos instrumentos, as vosas voces, ganas de festa e ganas de bailar.
Esperámosvos!

Ver o mapa máis grande

Foliada en Bandoxa

2010-03-23T19:58:00.003+01:00

Os Revirados organizamos unha nova foliada en Oza dos Ríos. A foliada será en Bandoxa, unha parroquia de Oza dos Ríos, onde nos prestan o local para organizar a foliada.
Desta vez non será só unha foliada senon que antes da foliada tamén haberá unha cea para todos os que queiran apuntarse.

Nos próximos días achegarémosvos máis información sobre esta cea-foliada que será o próximo día 10 de Abril.

Cabalgata de Reis

2010-01-06T13:52:00.001+01:00

Onte, día 5 de xaneiro Os Revirados estivemos tocando durante a cabalgata de Reis que organizou o Concello de Oza dos Ríos. A cabalgata comezou no Casa do concello e rematou no Polideportivo Municipal coa recepción dos Reis Magos, festa e merenda gratis para todos.
A continuación deixamos unhas fotos do acto:

Fotos Magosto Oza dos Ríos

2009-11-17T21:41:00.002+01:00

Pois aquí deixamos as fotos do magosto do pasado sábado:

Magosto Oza dos Ríos

2009-10-24T16:18:00.002+02:00

Un ano máis o Concello de Oza dos Ríos celebra a tradicional festa do magosto na que haberá castañas e merenda gratis para todos. Será o sábado 14 de novembro pola tarde e terá lugar no polideportivo municipal. Como non, os Revirados amenizaremos a festa na que esperamos que todos disfrutedes.

Primeira publicación

2009-08-31T11:45:00.009+02:00

Nesta primeira publicación imos adxuntar unhas cantas fotos do grupo en algunhas actuacións e un video recopilatorio feito por Jose Carlos.

Á esquerda unha foto tocando por carnavais en Bandoxa.

Máis abaixo tamén á esquerda na Casa do Concello de Oza dos Ríos polas Letras Galegas, e por último dúas fotos dunha actuación nunha sardiñada en Lar de Unza, Betanzos.